Helga Peters un Dirk Röver lesen ut "Lüttje Pütt" un ut "Uns Herrgott sien Daglöhner un anner Vertelln" de Vertelln "De Trecker" un "De Hund as Nachtwächter" af Johann D. Bellmann.

Bellmann is 1930 in Ruschwedel, Landkreis Staad, to Welt kamen un is in Nindörp as Buurjung grootwurrn. Bellmann hett nah de Oberschool Theologie un achteran Germanistik studeert. Arbeid hett he twüschendör in't Bargwark un op'n Hoff, he is to See föhrt un weer in Wien an't Theater. Vun Beroop wör he Schoolmester un Schoolmesterutbiller; af 1973 weer he Dozent an de Theologische Akademie in Harmsborg, Lkr. Celle. He hett sick in de ünnerscheedlichsten literarischen Gattungen op Platt utodrücken wüsst: Hörspeel, Theater, Epos, theologische Opsätz, Karkenleder un sogor een Romaan hett he toweeg bröcht. Sturven is he 2006 in sien Heimatdörp. An Priesen hett he allens kregen, wat de nedderdüütsche Kultur to beden hett.

Ort: Johann Diedrich Bellmann-Bibliothek, Hauptstraße 15, 21614 Buxtehude